Minisitiri w’Ububanyi n’Amahanga n’Ubutwererane Ambasaderi Olivier Nduhungirehe yanditse ku mbuga nkoranyambaga ko imyaka 45 ishize Bob Marley apfuye ariko umuziki we ukiri mu mitima ya benshi. Yavuze ko “Umurasita uruhukire mu mbaraga”. Bob Marley yapfuye ku itariki 11 Gicurasi 1981.

Yabonye izuba ku itariki 6 Gashyantare 1945 bivuze ko yapfuye afite imyaka 36 y’amavuko. Bob Marley yamenyekanishije injyana ya Reggae ku isi binyuze mu butumwa yaririmbaga burimo guharanira impinduramatwara no kwishakamo imbaraga zo kurwanya akarengane. Minisitiri Nduhungirehe yavuze ko akunda indirimbo za Bob Marley zirimo;Natural Mystic,One Love,Zion Train na Bad Card. Bob Marley yatumye havuka Japanese Reggae (J Reggae).

Mu 1975 Bob Marley  yagiye mu Buyapani ahura na Masahito’Pecker’ wari umuhanga mu gucuranga’percussion). Bakoranye album yitwa ‘Pecker Power’ yagiye hanze mu 1980 n’indi yitwa Instant Rasta yo mu 1981 zakorewe muri studio yitwa Chanel One Studios yo muri Jamaica. Izo album ebyiri zamenyekanishije Reggae mu Buyapani. Kuri ubu bakora iserukiramuco ryitwa Yokohama Reggae Festival na Yokohama Reggae Sai aba mu mpeshyi hagati ya Nyakanga na  Kanama buri mwaka.

 Mu 1978 Bob Marley yahawe umudari w’amahoro wa ONU. Bob Marley muri uwo mwaka yakoze igitaramo kitwa One Love Peace Concert I Kingston muri Jamaica aho yabashije guhuza abanyapolitiki babiri bari bahanganye cyane ndetse baraciyemo abaturage ibice bibiri. Bob Marley yari afite ubuhanga bwo gusoma imirongo yo mu kiganza cy’umuntu akamenya icyo azaba.

Umuryango w’Abarasita wamubujije gukomeza gusoma imirongo yo mu biganza by’abantu arabumvira arabihagarika. Mbere yo gutangira kwinjiza amafaranga mu muziki yabaye umukanishi mu igaraje  ryitwa Chryler ryari riherereye mu ntara ya Delware muri Leta Zunze Ubumwe z’Amerika.

 Mu 1966 Bob Marley yari ataramenyekana. Icyo gihe muri Jamaica hari hagezweho umuziki wo mu njyana ya Ska. Yavuye muri Jamaica yerekeza I Wilmington muri Delaware aho nyina, Cedela Booker yari atuye. Se yapfuye mu 1955. Akigera aho nyina yari atuye yakoze akazi ka nijoro k’ubukanishi akabifatanya no gutwara imodoka itwara izakoze impanuka’Break Down’.

Ako kazi kamuhaye igitekerezo cy’indirimbo’Night Shift’ yasohotse kuri album yitwa’Rastaman Vibration’ yo mu 1976.

Amakuru yagiye hanze yavugaga ko Bill Oxley w'imyaka 79 y'amavuko ubwo yari ku gitanda yegereye umunota wa gupfa yicuje amaraso y'inzirakarengane yamennye. Yavuze ko hagati y'1974 n'i 1985 yishe abantu 17 abitegetswe na CIA mu nyungu z'Amerika.

Bill yavuze ko yigize gafotozi wa The New York ajya gusura Bob Marley mu myitozo y'igitaramo yari afite. Icyo gihe yajyanye inkweto zirimo ifu y'uburozi. Izo nkweto zari Converse all star zifite ingano ya nimero 10. 

Yambaye inkweto y'i Buryo ahita asepfura, biba ikimenyetso ko iyo fu yamugezemo ari nayo yabaye intandaro ya kanseri yamuhitanye byihuse.

Yari virusi ya bagiteri'bacteria' itera kanseri. Iyo ifashe ku mubiri biba birangiye isakara umubiri wose. 

Bill yavuze ko ubwa nyuma abona Bob yari yarananutse kandi yarogoshe ibisajye bye. Yavuze ko kanseri yakoze akazi kuko waramurebaga ukabona arashiramo cyane nta mbaraga. Nguko uko Bob Marley yapfuye.

Michael Manley yabaye inshuti na Cuba ya Fidel Castro, ibintu byababaje cyane Amerika kuko yashakaga ko ibihugu byo muri karayibe bikoresha politike ya nyamwigendaho. Michael Manley yafashije Cuba kohereza abasirikare muri Angola, icyemezo cyababaje Amerika cyane.

 Uyu mugabo yasoresheje ibicuruzwa by'Amerika anafata inganda z'abanyamerika azishyira mu biganza by'abaturage. Michael Manley yayoboye Jamaica kuva 1972 kugeza 1980.

Yabangamiye cyane inyungu z'Amerika ku butegetsi bw'abaperezida batatu Nixon, Carter na Ford. Ntabwo Amerika yashakaga ko imiyoborere y'abakominisite isakara mu birwa bya karayibe.