Kinyarwanda
English
&format=webp)
U Rwanda na Botswana byasinye amasezerano yo gukuraho gusoresha kabiri
Mu ruzinduko rw’akazi Perezida w’u Rwanda, Paul Kagame, ari kugirira muri Botswana, u Rwanda na Botswana byashyize umukono ku masezerano yo kwirinda gusoresha kabiri azwi nka Double Taxation Avoidance Agreement.
Aya masezerano yasinyiwe i Gaborone kuri uyu wa 07 Gicurasi 2026 ari mu yandi masezerano y’ubufatanye (MoU’s) ibihugu byombi byagiranye mu rwego rwo gukomeza guteza imbere umubano n’ubufatanye mu bukungu.
Amasezerano yo kwirinda gusoresha kabiri agamije korohereza abashoramari n’abacuruzi bakorera hagati y’ibihugu byombi, hirindwa ko ibikorwa byabo cyangwa inyungu zabo bisoreshwa inshuro ebyiri.
Biteganyijwe ko aya masezerano azafasha kongera ubucuruzi n’ishoramari hagati y’u Rwanda na Botswana, ndetse anafashe mu gukuraho zimwe mu mbogamizi zagaragaraga mu mikoranire.
Uruzinduko rwa Perezida Kagame muri Botswana rukomeje kurangwa no kugirana ibiganiro n’abayobozi batandukanye ndetse no gusinya amasezerano agamije guteza imbere inyungu rusange z’ibihugu byombi.
Tags:
