Kinyarwanda
English
Abarenga 3,690 bamaze kugwa mu bitero bya Amerika na Israel muri Iran
Raporo nshya yashyizwe hanze n’umuryango w'itangazamakuru urengera uburenganzira bwa muntu HRANA, ku wa Gatandatu tariki ya 28 Werurwe 2026, igaragaza ko abantu 3,691 bamaze kugwa mu bitero Amerika na Israel bagabye mu gihugu cya Iran.
Nk’uko uyu muryango ubivuga ni uko muri abo bishwe harimo abasivili 1,551, abasirikare 1,208, abana 236, mu gihe abarenga 702 batigeze bashyirwa mu kiciro runaka.
HRANA yashyize hanze iyi mibare mu gihe Iran isa n’iyanze kugaragaza ukuri kw’abantu bamaze kwicirwa muri iyo ntambara ihanganiyemo na Amerika, uretse ko Minisiteri y’Ubuzima y’icyo gihugu yaherukaga gutangaza ko abagore 244 n’abana 231 bamaze kuburiramo ubuzima.
Intambara iri kubera muri Iran ikomeje guteza impungenge ku batuye Isi, mu gihe imiryango mpuzamahanga ikomeje gusaba impande zihanganye kugabanya imirwano no kujya mu biganiro bigamije kuyihagarika, nubwo impande zihanganye zitabikozwa.
