Ku munota wa 2, ikipe ya APR FC yahushije uburyo bukomeye. Ni umupira mwiza wazamukanwe na William Togui aha Memel Raouf Dao nawe ahereza Ruboneka  Jean Bosco ateye ishoti umupira ukurwamo na Yousou Diagne.

Ku munota wa 4, ikipe ya Rayon Sports yabonye amahirwe y’igitego ariko biranga. Ni umupira mwiza wazamukanwe na Tony Kitoga akorerwa ikosa na Ssekiganda ariko kufura ntiyagira Icyo ibyara.

Ku munota wa 16, ikipe ya APR FC yongeye kubona amahirwe akomeye yagombaga kuvamo igitego. Ni umupira mwiza Nshimiyimana Yunusu yahaye Cheick Djibril Ouattara awufunga rimwe atera ishoti rikomeye umupira ujya hejuru y’izamu.

Ku munota wa 24, ikipe ya APR FC yongeye guhusha uburyo nyuma y’amakosa yakozwe n’abakinnyi ba Rayon Sports. Ikipe ya APR FC yazamukanye umupira baciye mu kibuga hagati, umupira ufatwa na Memel Dao ateye ishoti rikomeye umupira uca hejuru y’izamu.

Ku munota wa 37, ikipe ya Rayon Sports yagerageje uburyo bukomeye. Ni umupira mwiza wazamukanwe na Aziz Bassane abona koroneri itagize Icyo ibyara.

Ku munota wa 44, ikipe ya Rayon Sports yabonye Penalite ku mupira mwiza wazamukanwe na Tony Kitoga aha umupira Ndikumana Asman ahita akorerwa ikosa na Hakizimana Adolphe.

Igice cya mbere cyarangiye ikipe ya Rayon Sports iyoboye n’igitego 1-0. Ni igice ikipe ya Rayon Sports yakinnye ubona idakoresha imbaraga nyinshi ariko ikina ibintu ubona bitanga icyizere

Ku munota wa 49 w’igice cya kabiri, ikipe ya APR FC yatsinze igitego cyo kwishyura. Ni umupira mwiza wazamukanwe na Cheick Djibril Ouattara atera santire nziza usanga aho Willian Togui ahagaza ahita atsinda igitego cyo kwishyura.

Ku munota wa 66, ikipe ya APR FC yakoze impinduka umutoza Abderrahim Taleb akuramo Mugisa Gilbert na Memel Raouf Dao ashyiramo Dauda Yusif Seidu ndetse na Hakim Kiwanuka.

Ku munota wa 71, ikipe ya Rayon Sports yakoze impinduka umutoza akuramo Aziz Bassane yinjizamo rutahizamu n’ubundi Mugisha Didier. Ikipe ya APR FC yabonye amahirwe ku munota wa 74. Ni kufura yabonye ku ikosa ryari rikorewe Cheick Djibril Ouattara rikozwe na Ganijuru Ishimwe Elia ariko ntiyagira Icyo ibyara.

Ikipe ya APR FC yongeye gukora impinduka umutoza akuramo William Mel Togui ashyiramo Denis Omedi, ndetse akuramo kandi Ruboneka Jean Bosco yinjizamo Mamadou Sy.

Umukino warangiye ikipe zombi zinganyije igitego 1-1. Ni umukino wari ukomeye ariko warangiye ikipe zigiye gutera Penalite. Ikipe ya APR FC yegukaye igikombe cy’Amahoro nyuma yo gutsinda Rayon Sports Penalite 3-1.