Nyuma y’uko Leta Zunze Ubumwe z’Amerika zitangaje agahenge k’iminsi 10, Israel yakomeje ibitero byo kwica bamwe mu basirikare bakuru muri Iran. Kuri ubu The Times of India yanditse ko Iran ikataje mu gushaka abasirikare basaga miliyoni imwe bo kurwanya Ingabo za Leta Zunze Ubumwe z’Amerika mu ntambara yo ku butaka.

Ikinyamakuru cyo muri Iran kitwa Tasnim News Agency yanditse hakenewe abasirikare bashoboye n’abakorerabushake. Abashinzwe gushaka abasirikare ni abatoza bo mu mutwe udasanzwe wa ‘IRGC’, Basij. Bamwe mu bajene bakiri bato bagaragaje ubushake bwo kurwanirira igihugu. Leta ya Iran ishyira miliyali zisaga $46 mu ngengo y'imari ya gisirikare. Cyongerewe mililyali $11 ava ku mafaranga ava mu bikomoka kuri peteroli.

Leta Zunze Ubumwe z’Amerika zashyize hanze ingingo 15 zo gusaba Iran kwemera ko habaho imishyikirano yo kurangiza intambara. Iran ifite abasirikare 610,000 bari mu nshingano na 350,000 bari ku rugerero. Umutwe udasanzwe wa Basij'IRGC' ubaribwa mu basirikare miliyoni eshanu (5). Minisiteri y'ingabo y'Amerika, Pentagon yatangaje ko iteganya kohereza ingabo 10,000 mu Burasirazuba bwo hagati mu kwitegura intambara yo ku butaka. Nubwo Amerika iteganya intambara yo ku butaka ariko abo muri Iran barahiriye gutanga isomo ku ngabo z'Amerika.