Iyi ntsinzi yatumye umutoza Unai Emery akomeza kwandika amateka yo kuba umutoza wegukanye Europa League inshuro nyinshi kurusha abandi, aho ubu amaze kuyitwara inshuro eshanu.

Aston Villa yatangiye umukino neza, maze igice cya mbere kirangira iyoboye n’ibitego 2-0. Igitego cya mbere cyatsinzwe na Youri Tielemans ku mupira mwiza yateye mu izamu nyuma ya koroneri yari itewe neza. Nyuma y’iminota umunani gusa, Emi Buendia yatsinze igitego cya kabiri ateye ishoti rikomeye.

Mu gice cya kabiri, Morgan Rogers yashimangiye intsinzi ya Villa atsinda igitego cya gatatu nyuma yo guhabwa umupira mwiza na Buendia. Abafana ba Aston Villa bari benshi muri stade ya Besiktas Park bishimiye cyane iyi ntsinzi, harimo na Prince William wari wagiye gushyigikira iyi kipe akunda.

Ku ruhande rwa Freiburg, bwari ubwa mbere ikinnye umukino wa nyuma ku rwego rw’u Burayi mu mateka yayo, ariko ntiyabashije guhangana n’imbaraga za Aston Villa. Iyi kipe ntabwo yigeze yitwara neza kuko Nicolas Hofler yabonye uburyo bwiza bwo gutsinda hakiri kare, ntiyabubyaza umusaruro.

Unai Emery, wigeze gutwarana Europa League na Sevilla FC inshuro eshatu ndetse na Villarreal CF inshuro imwe, yongeye kwerekana ubuhanga bwe muri iri rushanwa. Yageze muri Aston Villa mu 2022 asezeranya abafana ibikombe, kandi ubu yamaze kubisohoza.

Iyi ntsinzi kandi yatumye Aston Villa ikomeza kwizera kuzitabira Champions League y’umwaka utaha, aho iri mu makipe ane ya mbere muri Premier League mbere y’umukino wa nyuma bazahuramo na Manchester City.

Aston Villa yegukanye Europa League Saison 2025/2026