Ibi bikubiye mu itangazo ishyirahamwe ry’umupira w’amaguru hano mu Rwanda, FERWAFA, yashyize ahagaragara kuri uyu wa Gatandatu tariki 9 Gicurasi 2026.

Muri iri tangazo FERWAFA igaragaza ko Komisiyo y'lmyitwarire  yafatiye ibihano Olivier Ndatimana, ushinzwe ibikoresho wa Gorilla FC, nyuma y'imyitwarire mibi yagaragaje mu mukino ubanza wa ½ cy'lgikombe cy'Amahoro wahuje Gorilla FC na Rayon Sports FC.

Ishyirahamwe ry’umupira w’amaguru hano mu Rwanda ryatangaje ko Olivier Ndatimana ahawe ibihano bingana n’amezi 12 no gutanga ihazabu y’ibihumbi 500.

Yagize ati “ lyo myitwarire inyuranyije n'amategeko agenga imyitwarire n'imyifatire mbonezabupfura ya FERWAFA yatumye Olivier Ndatimana ahanishwa guhagarikwa mu bikorwa byose bifitanye isano n'umupira w'amaguru mu gihe cy'amezi 12 ndetse no gucibwa ihazabu y'amafaranga y'u Rwanda ibihumbi magana atanu (500,000 Frw), agomba kwishyurwa mu gihe kitarenze iminsi 90.”

Ndatimana Olivier ahawe ibihano na FERWAFA nyuma y’ibyo Nsengiyumva Jean Paul yahawe byo kumara amezi 12 atagaragara mu bikorwa byo gusifura kubera gukubita umukinnyi umugeri mu bugabo mu mukino Mukura Victory Sports yatsinzwemo na Rutsiro FC ibitego 2-1.

Iki gikorwa cy’amarozi  ntabwo ari ubwa mbere cyikanzwe hano mu Rwanda ariko muri iki gihe nibwo ubona byatangiye gufatirwa umwanzuro na FERWAFA mu buryo bukomeye bitandukanye na mbere.

Ndatimana Olivier yahagaritswe umwaka atagaragara mu mupira w'amaguru