Ni umukino wabaye mu ijoro ryacyeye tariki 10 Gicurasi 2026, warangiye ikipe ya FC Barcelona itahanye amanota atatu nyuma yo gutsinda Real Madrid ibitego 2-0. Ibi bitego byatsinzwe na Ferran Torres ndetse na Marcus Rashford ukomeje kwitwara neza.

Uyu mukino ikipe ya FC Barcelona Icyo yasabwaga gukora nicyo yakoze kuko gutsinda Real Madrid byagombaga gutuma ihita yegukana igikombe cya Shampiyona mu gihe hakibura imikino itatu yo gukina.

Real Madrid yarushijwe cyane muri uyu mukino kuko nubwo yatsinzwe ibitego bibiri gusa byashobokaga ko yatsindwa ibirenze kuko hari amahirwe abasore barimo Robert Lewandwisky, Ferran Tores, Rashford n’abandi bananiwe kubyaza umusaruro.

FC Barcelona yatwariye igikombe kuri Real Madrid kuko hagati y’aya makipe yombi harimo icyinyuranyo cy’amanota 14, bivuze ko mu mikino isigaye bigoye ko iki kinyuranyo cyavamo. Birashoboka ko FC Barcelona yasoza uyu mwaka yujuje amanota 100 kuko ubu ifite amanota 91 kandi isigaje imikino igera kuri itatu.

Iki gikombe  FC Barcelona yegukanye kibaye igikombe cya Kabiri yegukanye yikurikiranye kuva yatangira gutozwa na Hansi Flick wayigezemo muri 2024. Real Madrid uyu mwaka ubaye uwa kabiri itabasha kwegukana igikombe na kimwe, ibintu bikomeje kuvugisha benshi.