Kinyarwanda
English
&format=webp)
Louise Mushikiwabo yagiranye ibiganiro na Minisitiri w’Ububanyi n’Amahanga wa Maroc
Umunyamabanga Mukuru w’Umuryango Mpuzamahanga w’Ibihugu bikoresha Ururimi rw’Igifaransa (OIF), Louise Mushikiwabo, yagiranye ibiganiro na Minisitiri w’Ububanyi n’Amahanga wa Maroc, Nasser Bourita, ku ruhande rw’Inama ya Kabiri y’Abaminisitiri ku kubungabunga amahoro mu bihugu bikoresha Igifaransa.
Ibi biganiro byabereye mu Mujyi wa Rabat, aho abayobozi bombi bagarutse ku mubano usanzwe hagati ya OIF na Morocco ndetse banashima urwego rw’ubufatanye buri hagati y’impande zombi.
Mu butumwa bwatangajwe nyuma y’ibi biganiro, hagaragajwe ko impande zombi zunguranye ibitekerezo ku buryo bwo gukomeza guteza imbere ibikorwa byo kubungabunga amahoro mu bihugu bikoresha ururimi rw’Igifaransa, no gushimangira ubufatanye mu nzego zitandukanye.
Louise Mushikiwabo na Nasser Bourita banagarutse ku myiteguro y’Inama Nkuru itaha y’Umuryango w’Ibihugu bikoresha Igifaransa, iteganyijwe kubera i Phnom Penh.
Iyi nama izahuza abakuru b’ibihugu na za guverinoma bagize OIF, baganire ku hazaza h’uyu muryango ndetse n’uruhare rwawo mu guteza imbere amahoro, ubufatanye n’iterambere rirambye mu bihugu biwugize.
Tags:
