Kinyarwanda
English
&format=webp)
Université Senghor: Mushikiwabo yavuze ko uburezi ari inkingi y’iterambere rirambye
Umunyamabanga Mukuru w’Umuryango w’Ibihugu bikoresha Igifaransa (OIF), Louise Mushikiwabo, yavuze ko gushora imari mu burezi ari ugushora imari mu mahoro, ituze ndetse n’iterambere rirambye ry’ibihugu n’abaturage babituye.
Louise Mishikiwabo yabitangaje mu muhango wo gutaha ku mugaragaro campus nshya ya Université Senghor iri muri Egypt.
Mu butumwa yatanze, Mushikiwabo yagize ati: “Gushora imari mu burezi ni ugushora imari mu mahoro, ituze n’iterambere ry’imiryango.”
Yakomeje avuga ko Université Senghor ikomeje kugaragaza neza icyerekezo cyari cyarifujwe na Léopold Sédar Senghor, cyo kubaka Umuryango w’Ibihugu bikoresha Igifaransa ushingiye ku bufatanye, gusangira ubumenyi no kongerera ubushobozi urubyiruko n’inzego zitandukanye.
Mushikiwabo yashimangiye ko uburezi bufite uruhare rukomeye mu kubaka sosiyete zifite amahoro n’iterambere rirambye, asaba ibihugu binyamuryango gukomeza gushyira imbaraga mu guteza imbere ireme ry’uburezi n’ubushakashatsi.
Campus nshya ya Université Senghor izafasha kongera ubushobozi bwo kwakira abanyeshuri benshi baturuka mu bihugu bitandukanye bya Afurika no mu muryango wa Francophonie, hagamijwe gutanga ubumenyi n’ubushobozi bizafasha mu iterambere ry’ibihugu byabo.
Tags:
