Iyi transfer yaba itumye Anthony Gordon w'imyaka 25 aba undi mukinnyi w’Umwongereza ukiniye Barcelona nyuma ya Marcus Rashford witwaye neza atsinda ibitego 15 anatanga imipira 10 yavuyemo ibitego mu mikino 49 akiniye iyi kipe ku ntizanyo. Gusa amakuru atandukanye avuga ko ukuza kwa Gordon bishobora kugira ingaruka ku mugambi wa Barca wo kugumana Rashford burundu avuye muri Manchester United. 

Anthony Gordon aje muri Barcelona nyuma y’umwaka mwiza yagize muri Newcastle United aho yabaye umukinnyi watsinze ibitego byinshi muri iyi kipe n’ibitego 17 mu marushanwa yose. Yanagize uruhare rukomeye mu rugendo rwa Newcastle mu marushanwa y’i Burayi nyuma y’igenda rya Alexander Isak na Yoane Wissa. 

Gordon azwiho kugira umuvuduko mwinshi, gukina imyanya itandukanye muri ba rutahizamu, ndetse no gushakisha umupira ku buryo bukomeye muri sisiteme ya "Gegenpress", ibintu bishobora gutuma yisanga muri iyi kipe ya Barcelona mu gihe gito.

Ku ruhande rwa Newcastle, amafaranga ava muri iyi transfer ashobora gufasha iyi kipe kwiyubaka bushya muri iyi mpeshyi nyuma y’undi mwaka utaragenze neza. 

Anthony Gordon amaze gukina imikino 176 muri Premier League, atsinda ibitego 31 anatanga imipira 20 yavuyemo ibitego kuva yatangira gukinira Newcastle United na Everton.