Iri tangazo ryagiye hanze ku gicamunsi cyo kuri uyu wa Gatanu tariki 15 Gicurasi 2026, mu gihe Shampiyona y’u Rwanda igeze ku munsi wa 32 muri 34 igomba gukinwa uyu mwaka w’imikino.

BK Pro League biteganyijwe ko izatangira ku wa Gatanu tariki 4 Nzeri 2026, maze izasozwe ku cyumweru tariki 30 Gicurasi 2027.

Imikino ibanza ya Shampiyona izasozwa ku wa Gatanu tariki 22 Mutarama 2026, maze imikino yo kwishyura itangire nyuma y’iminsi 13 y’ikiruhuko kuko izatangira tariki 5 Gashyantare 2026.

Kwegeza inyuma cyane igihe Shampiyona izatagirira byatewe n’imikino y’igikombe cy’isi, izatangira tariki 11 Kamena isozwe tariki 19 Nyakanga 2026. Nyuma y’iyi mikino kandi hazahita haba n’imikino ya CECAFA Kagame Cup 2026.

Iyi mikino ya CECAFA Kageme Cup 2026, izabera hano mu Rwanda kuva tariki 18 Nyakanga kugeza tariki 9 Nzeri 2026.

Shampiyona y’u Rwanda Saison ya 2025/2026, biteganyijwe ko igomba gusozwa muri uku kwezi kwa Gicurasi 2026. Kugeza ubu harabura imikino itatu gusa kugira ngo irangire. Iyi Shampiyona yamaze kwegukanwa na Al Hilal SC nyuma yo gutsinda Gasogi United ibitego 2-1 bituma irusha amanota 14 APR FC iri ku mwanya wa kabiri. Al Hilal SC ifite amanota 73, naho APR FC ifite amanota 59.