Ikipe ya Arsenal yageze ku mukino wa nyuma wa UEFA Champions League nyuma yo gusezerera Atlético Madrid ku giteranyo cy’ibitego 2-1. Nyuma yayo, Aston Villa na Crystal Palace na zo zageze ku mikino ya nyuma y’amarushanwa y’i Burayi, bituma amakipe yo mu Bwongereza yongera kwigaragaza urwego rwo hejuru.

Aston Villa yatozwaga na Unai Emery yatsinze Nottingham Forest ibitego 4-0 mu mukino wo kwishyura, ihita igera ku mukino wa nyuma wa UEFA Europa League izahuriramo na FC Freiburg i Istanbul ku wa 20 Gicurasi 2026. Crystal Palace na yo yasezereye Shakhtar Donetsk iyitsinze 2-1, ihita igera ku mukino wa nyuma wa UEFA Conference League izakirwamo na Rayo Vallecano.

Aya marushanwa agaragaza uko amakipe yo mu Bwongereza yongeye kugira imbaraga ku rwego rw’u Burayi, kuko si ubwa mbere agera kuri uru rwego. Mu 2019, Liverpool FC yegukanye Champions League itsinze Tottenham Hotspur, naho Chelsea FC itsinda Arsenal FC ku mukino wa nyuma wa Europa League.

No mu 2021, Chelsea yongeye gutwara Champions League itsinze Manchester City igitego cya Kai Havertz, mu gihe Manchester United yatsindiwe ku mukino wa nyuma wa Europa League. Ibi byerekana uburyo amakipe yo mu Bwongereza amaze imyaka yigaragaza mu marushanwa y’i Burayi.

N’ibindi bihugu byagiye bigira amakipe ku mikino ya nyuma y’aya marushanwa yose. Mu 2023, amakipe yo mu Butaliyani arimo Inter Milan, AS Roma na Fiorentina yageze ku mikino ya nyuma ariko yose iratsindwa. Gusa mu 1989/90, amakipe yo mu Butaliyani yatwaye amarushanwa yose y’u Burayi icyo gihe.

Mu mateka kandi, amakipe yo muri Espagne na yo yigeze kugera kuri uru rwego. Mu 1985/86, Real Madrid yegukanye UEFA Cup, mu gihe FC Barcelona na Atlético Madrid zatsindiwe ku mikino ya nyuma y’andi marushanwa y’i Burayi. 

Ibi byose bigaragaza uko amarushanwa y’i Burayi akomeje kuba urubuga rw’amateka akomeye hagati y’ibihugu bifite shampiyona zikomeye.

Arsenal FC izakina umukino wa nyuma wa Champions League, Aston Villa ikine uwa Europa League maze Nottingham Forest ikine uwa UEFA Conference League