Ibiro bishinzwe iperereza imbere muri Amerika, FBI yatanze itangazo ryo guhiga bukware Monica Witt,umugore w’imyaka 47 y’amavuko.Monica yari ashinzwe kurwanya iterabwoba muri Amerika. Kuri ubu afatwa nka maneko wa Iran akaba yashyiriwe 200.000$ asaga miyoni 200 Frw ku muntu wese watanga amakuru ye agafatwa.

Monica yari inzobere mu by’ubutasi mu ngabo zirwanira mu kirere kandi yari ashinzwe kurwanya ubutasi bw’amahanga. FBI yashyize hanze itangazo ku wa kane tariki 14 Gicurasi 2026. Monica yari ashinzwe ibiro bishinzwe iperereza mu ngabo zo mu kirere kuva mu 1997 kugeza mu 2008. Nyuma yakoreye Leta ya Amerika mu 2010.

Monica azi amakuru y’ubutasi y’Amerika ajyanye n’abayobozi bakuru n’ay’ubwirinzi n’abakozi bakora ibikorwa by’ibanga mu butasi bw’Amerika. Monica yahungiye muri Iran mu 2013 ariko babuze aho yaba ari. Ubucamanza bwa Amerika bwatanze ikirego mu 2019. Akigera muri Iran yahaye Leta na IRGC amakuru y’ibanga yashyize mu kaga umutekano w’amakuru y’ibanga n’ubwirinzi bwa Amerika. Monica yavukiye I Texas akaba avuga nezaigi-Perse, ururimi ruvugwa n’abanya Iran.

Monica yatanze amakuru y’abasirikare b’Amerika n’imiryango yabo bari mu butumwa bw’akazi hanze. Yatanze kandi amakuru azifashishwa mu kugirira nabi abayobozi bakuru b’Amerika.