Polisi ya Kansas City yatangaje ko yakiriye amakuru nyuma yaho humvikanye amasasu ahagana saa yine za mu gitondo ku muhanda wa Troost Avenue. Umukuru muri Polisi ya Kansas City, Jake Becchina yagize ati "Twahageze dusanga imbaga y'abantu yatangiye gutatana nyuma y'uko aya masasu yumvikanye muri aka gace." Yongeyeho ko abahageze basanze abagore batatu bakomerekejwe n'amasasu, abandi batandatu bagezwa kwa muganga.

Polisi yatangaje ko abakomeretse bose ari abantu bakuru kandi ko nta n'umwe ubuzima bwe buri mu kaga. Iperereza riracyakomeje ndetse kugeza ubu nta muntu urafatwa ukekwaho kugira uruhare muri icyo gitero.

Aho iraswa ryabereye ni mu bilometero bike uvuye kuri Swope Soccer Village, ikigo kizakira ikipe y'u Bwongereza mu gihe cy'igikombe cy'isi.Abakinnyi n'abatoza b'iyo kipe ntibari muri Kansas City ubwo ibi byabaye, kuko bari mu mukino wa gicuti wabahuzaga na New Zealand muri Florida.

Aya makuru yongeye kuzamura impaka ku mutekano muri Amerika mbere yuko irushanwa ritangira, aho imibare ya Gun Violence Archive igaragaza ko muri 2025, habaye iraswa ry'abantu benshi (mass shootings) inshuro zirenga 400.